Happy Birthday Dad!

Yesterday was my Dad’s 65^th birthday. At kasabay ng kanyang kaarawan ay ang babang luksa niya. Hindi ko pa nasabi dito sa blog ko, but yes my dad passed away last year. Napakabilis ng panahon at ngayon nga ay isang taon na ang nakalipas mula nang magpaalam siya sa mundo.  Hindi mawawala `yung pakiramdam na nami-miss ko siya, siyempre naman, siya ang tatay ko. Pero matagal ko nang tinanggap na wala na siya. At baka isipin n’yong napakasama ko naman para agad na matanggap ang bagay na ito. Para sabihin ko, mula nang ma-diagnosed siya sa sakit na sanhi ng kamatayan niya ay matagal ko nang tinanggap na mawawala siya. Hindi lang naman siguro ako ang anak na ganoon, right?

Anyways, since it was my dad’s birthday and babang luksa na rin, maraming pagkain kahapon dito sa bahay. At gaya ng kagustuhan ni pudrakels na may lechon sa 65^th birthday niya ay hinandaan siya ng lechon. Malamang kung nandito lang siya kahapon ay tuwang-tuwa siya. Maraming pagkain pa rin dito hanggang ngayon dahil hindi naman gano’n karami ang naging bisita namin bukod sa ilang kaibigan ko, mga nagdasal at dalawang bisita ni mama. At bawal pa rin sa aking kumain ng marami which is nakakatulong naman kasi I’ve already lost weight. My goal is to lose more weight before ako bumalik sa work. I want to be skinny ala-Kim Chiu by November. LOL. At si Kim Chiu talaga ang peg? Hindi naman masyado . Mas type ko pa rin na maging kasing-glorious ng katawan ni Miranda Kerr at Candice Swanepoel ang katawan ko.  #ambisyosa ako, eh.

Happy Birthday dad!